太古城陪你玩盡 《哈鹿聖誕》 好玩又互動，又有禮物收。快啲去玩啦

好開心呀，前日帶咗雷囡s一齊去太古城搵哈鹿慶祝聖誕，仲同佢一齊做任務，準備聖誕禮物俾大家添！仲有好多禮物🎁收㗎！

門口好大好靚，雷小囡一見到已經勁興奮同我講：「我地一齊去影相吖！」

每次嚟太古城都好有驚喜。呢度嘅商場活動次次都好有誠意，好多互動遊戲俾小朋友同大人一齊玩，次次都嚟到都玩都唔捨得走！ 

今次場內一樣有好多互動嘅遊戲。一進場已經俾中間幾枝色彩繽紛音樂管吸引著。小朋友可以跟著樂譜一齊奏出音樂。仲有好好玩嘅互動電子螢幕，可以分成2隊對戰，又可以一齊擋走齒輪保護哈鹿。仲有好多小遊戲，小朋友要手眼協調，幫哈鹿送禮物🎁。 

雷囡s最開心當然係有禮物收啦！哈鹿會隨時出現送大禮。我地收左盒好靚嘅朱古力。 而且呢度仲有一個手作音樂盒親子工作坊。可以親手做一個音樂盒，真係超有誠意嘅禮物🎁！仲有仲有，每人可以寫一張明信片， 哈鹿會幫你喺2019你選擇嘅月份寄出！💌💌可以寫一封信俾未來嘅自己，真係好特別，而且每
寄一張明信片，太古城都會捐出$1做善事，真係好有意義💕💕💕

當然仲有好多靚靚影相位啦！