一拖二四圍遊 終極挑戰 長洲愛暉營 兩日一夜宿營 飛甩爸爸

爸爸因爲工作關係，好少假期，唔想雷囡成日係屋企，所以我都成日一拖二帶佢地四圍去,雖然好辛苦，都值得嘅!

今次挑戰兩日一夜宿營，跟同學仔媽媽一齊，多得各位媽媽們幫手訂房訂餐，安排活動。仲幫手搬行李。個個都係「超人媽媽」真係好多謝佢地。

講返呢個明愛愛暉營，價錢當然唔夠康民署嘅平靚正啦，但勝在比康民嘅易訂好多。不過真係好殘舊...亦都冇乜設施可言。個人認為比較適合中學生，或學校體驗活動啦！好像雷小囡咁細嘅幼童真係唔多適合喇。因為地方真係唔算乾淨，而且太多蚊，我做足準備，搽晒防蚊膏帶埋蚊帶蚊扣都不能幸免...小囡連手指都被咬到腫晒，變左芝士腸😅😅 心痛死我！

 

首先講下位置，從碼頭去有2條路可以揀。問左2次長洲居民都叫我地行山路....我地拖住小朋友，又一袋二袋仲有行李箱。要經一條好長上樓梯，再上落山路，真係辛苦到暈。途中雷小囡仲留低野係百佳，我一個人返去攞完，自己去搵路。點知又俾2個當地人點左條錯嘅路...最終我一個人由山腳行上山頂再落返山，回原地😭

所以、有行李嘅朋友，最好行沿海路線，經沙灘邊，過左停機坪，再經另一個小沙灘上一段小斜路就到。舒服好多👍🏻👍🏻

營地其實都幾唔方便。因為分2楝建築物bbq要上山，食完要摸黑落山。除山路外，中間有條類似引水道嘅樓梯可以上落。但真係好危險。入夜千萬唔好行

泳池係分段入場，訂房只包一次入場。再入要收費。而且我去當天星期六是不開放。只有星期日先開。但剛好發生小插曲。我地入埸時剛見到池邊有小朋友係泳池濾水坑嘔吐....佢身邊嘅大人真係超級有問題！有2個喺池內，2個喺池邊，見小朋友唔舒服話想嘔，唔即時抱走佢，淨係識叫佢唔好喺呢度嘔...結果嘔完先走！事後我即時叫池內嘅朋友上水。向救生員反映佢地話見唔到所以只用水喉沖沖就算。

我訂果間4人房。房間設備簡陋，沖涼嘅地方好窄，企唔到2個人。好彩雷小囡可以用花灑企係度沖涼，我要喺企缸外幫佢淋水...都真係幾唔方便😅 而朋友嘅5人房就大好多，浴室仲有浴缸（當然唔會用啦😅）但起碼都寬敞啲。幫小朋友沖涼都易啲吖嘛！不過價錢當然貴啲啦。

我地4人房，2大2小加一個bb，房價加份燒烤包，每個家庭$400左右。朋友嘅5人房就2大2小，加燒烤包每家庭$600左右。其實加埋都唔算便。補多少少租渡假屋好過。舒服好多😅 

所以總括黎講，個人認為帶bb 去太辛苦。如果小學嘅小朋友俾佢地捱下苦，經歷下都可以嘅🤣 

呢個旅程雖然真係好辛苦，但可以一班同學仔一齊玩，一齊經歷，都好開心。第一次可以同同學仔一齊瞓，一齊喺間房玩潛烏龜，傾計傾到好夜😆真係好難得。希望呢個旅程俾到小朋友同媽媽們一個難忘而美好嘅回憶啦！

最後真係好多謝媽媽們，幫我一齊照顧雷小囡，又幫我拎野。真係幫左我好多。亦都多謝呢班小朋友，個個都幫手拎野，照顧自己，感覺佢地好似一夜之間大左好多咁☺️☺️好感動💗💗

想知多啲我地嘅 #生活小貼士、#簡單食譜、#育兒分享、#吃喝玩樂、#美容，#親子遊、#親子烹飪 ，快啲Like我地啦😘

Facebook page : 雷囡媽媽 https://www.facebook.com/pg/luiluimamak

Facebook:https://m.facebook.com/luiluimama 

YouTube: Luiluimamak https://youtube.com/results?q=luiluimamak

Instagram: https://www.instagram.com/luiluimama/

Blog: https://luiluimama.blogspot.com

#產品試用 #邀稿 #blogger #出席活動 #babyblog #mumblogger #bkol #hkkol #cutebaby #beauty #lifestyle #f4f 

親子班真係親子？！

今日有幸免費參加左個烘焙班。課堂係因為cook1cook 嘅活動《地獄廚神》贏返嚟嘅第二名獎品，講明係地獄廚神，當然就係一啲外貌欠佳嘅製成品啦！當然遊戲性質只係得啖笑，所以我哋攞到呢個獎都非常開心！

仲有獎品實在太令人興奮喇，「烘焙課程一堂」，而呢個獎係用雷大囡嘅親子棉花糖參賽嘅，所以贏咗嘅獎品當然就係歸佢啦！所以今日制作過程有八成都係由佢操刀嘅！我就係從旁協助，點解係八成呢？因為佢聽日要壁球考章，我怕佢搓麵粉搓到手軟，所以我有幫佢搓小小咁啦！其他大致上好多程序都係由佢做嘅。今日真係好開心！

其實參加過好多親子活動，但「親子」係唔係真係親子呢？

對我黎講親子活動目的係為左拉近父母子女之間距離，令大家互相了解，增進感情，增加美好回憶。親子活動，在於互相合作一齊完成事情，例如一齊做小手作，一齊整野食。但有時候自己會忘記左親子嘅原意。對小朋友有好多要求，要佢整得靚啲，呢度唔啱，果度錯左...

最後唔單止感情冇增進到，反而令關係更加惡劣。

喺我參加親子活動嘅期間，遇過好多事情，令到我有好深嘅啟發。見過一啲家長因為個小朋友件作品畫得唔靚，而責罵佢哋。一個應該好溫馨嘅親子活動，突然間變咗有一對虎爸虎媽鬧緊個喊得好淒涼嘅小朋友...亦都見過好多父母心急，嫌小朋友手腳慢，最終件成品九成都係家長做，小朋友只係「放埋一邊」裝飾....而最常見嘅當然就係，為咗令件成品靚靚仔仔，直情唔俾小朋友插手。最後父母就攞住件靚靚制成品，迫個嬲爆爆嘅小朋友影相....而最惡劣嘅情況就係一個親子活動，為左「討論」點做，父母同小朋友互相指責嗌交收場，個仔用粗口鬧阿媽，阿媽仲差啲出手打個仔...咁樣仲叫做親子活動？

我明白，要學放手真係一啲都唔容易，特別我哋宜家呢個世代，有時真係好想個成品靚靚仔仔，影張相上網影張相上網呃Like。又或者每個親子活動嘅時間都有限，希望可以同小朋友

趕上進度，令父母變得心急，心情煩躁，呢點完全可以理解嘅。因為其實我自己都經歷過，甚至乎而家間中都會咁犯同樣嘅錯。但係每一次我都會提醒自己，點為之親子活動呢？

例如以前同阿囡一齊整野食，開頭成日驚佢破壞我成品，個個步驟都唔俾佢插手，到最後發現差唔多成個都係自己做。之後次次問佢都話唔想整，冇興趣。後來我發現，原來因爲我自己每次都對佢多多意見，令佢唔想整。

之後我開始學習放手。剛開始，見到佢做嘢做錯晒，真係好想插手㗎 ！但每一次我都提醒自己，要放鬆，成品唔一定要靚，最重要係大家真係可以享受個過程。

而家，我甚至覺得，一件奇形怪狀嘅成品,先值得我影相留為紀錄。因為唔完美，先能夠成為我囡成長嘅證明💗

最後，希望能夠係呢度時刻提醒自己。結果係點冇所謂。能夠同小朋友渡過開心嘅時光，先係最重要嘅💗💗

想知多啲我地嘅 #生活小貼士、#簡單食譜、#育兒分享、#吃喝玩樂、#美容，#親子遊、#親子烹飪 ，快啲Like我地啦😘

Facebook page : 雷囡媽媽 https://www.facebook.com/pg/luiluimamak

Facebook:https://m.facebook.com/luiluimama 

YouTube: Luiluimamak https://youtube.com/results?q=luiluimamak

Instagram: https://www.instagram.com/luiluimama/

Blog: https://luiluimama.blogspot.com

#產品試用 #邀稿 #blogger #出席活動 #babyblog #mumblogger #bkol #hkkol #cutebaby #beauty #lifestyle #f4f 

童年回憶 懷舊小食 芝麻脆餅

#童年回憶 #兒時味道 

應承左雷大囡整呢個 #芝麻餅 好耐，一直都未有時間做，到得閒整果時屋企又冇芝麻😅 最終沈日的起心肝，買芝麻，又黎 #阿媽整餅 🤣

🏡屋企附近有幾間好出名嘅唐餅舖，成日行過聞到好香，忍唔住買黎食。不過而家越賣越貴，$25得10個，5分鐘唔夠俾我同大囡清晒😅所以佢成日叫我整俾佢食。真係慳家嘅小朋友👍🏻

呢個芝麻餅我係參考左幾個網上食譜同書上食譜試做嘅，失敗左一次，由頭做過，玩左我成日😓終於搵到我想要嘅味道同方便我嘅做法。

有冇朋友都同我地一樣鐘意食呢？

 #芝麻餅 #芝麻脆餅 #芝麻薄餅 #懷舊芝麻餅 #童年回憶系列

#童年回憶 #兒時味道 

應承左雷大囡整呢個 #芝麻餅 好耐，一直都未有時間做，到得閒整果時屋企又冇芝麻😅 最終沈日的起心肝，買芝麻，又黎 #阿媽整餅 🤣

🏡屋企附近有幾間好出名嘅唐餅舖，成日行過聞到好香，忍唔住買黎食。不過而家越賣越貴，$25得10個，5分鐘唔夠俾我同大囡清晒😅所以佢成日叫我整俾佢食。真係慳家嘅小朋友👍🏻

呢個芝麻餅我係參考左幾個網上食譜同書上食譜試做嘅，失敗左一次，由頭做過，玩左我成日😓終於搵到我想要嘅味道同方便我嘅做法。

有冇朋友都同我地一樣鐘意食呢？

 #芝麻餅 #芝麻脆餅 #芝麻薄餅 #懷舊芝麻餅 #童年回憶系列

材料：

白芝麻⋯⋯⋯⋯⋯⋯4両

中筋麵粉⋯⋯⋯⋯⋯100g

低筋麵粉⋯⋯⋯⋯⋯200g

糖⋯⋯⋯⋯⋯⋯⋯⋯80g

蛋白+水⋯⋯⋯⋯⋯共120g

生油⋯⋯⋯⋯⋯⋯⋯⋯3湯匙

無鋁泡打粉⋯⋯⋯⋯1/2茶匙

梳打粉⋯⋯⋯⋯⋯⋯1/2茶匙

此份量是個人最喜歡的口感。各位可因應口味更改，下面有註解☺️

白芝麻白鑊炒香備用

麵粉量好，過篩

全部材料加入搓成粉團

（白芝麻除外）

用保鮮紙蓋好，醒面30分鐘

預熱焗爐180度15分鐘

把麵團分成小粒，搓圓

沾上芝麻，邊壓邊用手捏成薄片

入爐前再全部用手或麵粉棍壓薄

放入已預熱的焗爐焗10-15分鐘

有香味，金黃色便可出爐

此份量是參考很多食譜失敗過成功過而做出來。每人口味唔同，大家可根據自己口味而更改份量

📚食譜中，低筋麵粉加中筋麵粉口感比較鬆脆。

🍪可全改用低筋麵粉，口感會更鬆化。但有啲似曲奇

🍘全用中筋麵粉，口感會更脆但比較硬身。

3種口感各有捧場客。

為了食得更健康，改用了無鋁泡打粉。所以口感比外賣買的用含鋁泡打粉口感有輕微出入。想要健康還是口感，請自己衡量😆

想知多啲我地嘅 #生活小貼士、#簡單食譜、#育兒分享、#吃喝玩樂、#美容，#親子遊、#親子烹飪 ，快啲Like我地啦😘

Facebook page : 雷囡媽媽 https://www.facebook.com/pg/luiluimamak

Facebook:https://m.facebook.com/luiluimama 

YouTube: Luiluimamak https://youtube.com/results?q=luiluimamak

Instagram: https://www.instagram.com/luiluimama/

Blog: https://luiluimama.blogspot.com

#產品試用 #邀稿 #blogger #出席活動 #babyblog #mumblogger #bkol #hkkol #cutebaby #beauty #lifestyle #f4f 

🌷雷小囡係為食妹就係人都知架啦！一日到黑都要食野。所以要嚴選啲健康有機嘅零食同果蓉俾佢,等佢地食得開心，媽咪又可以好放心啦！ 

🌸所以我經常買Eall’s kitchen嘅果蓉、乳酪同泡芙脆脆條俾雷囡s食。因為佢地細細包易帶出街，而且好多口味，日日唔同味都得。一定唔會悶。重點係所有食品全部採用有機蔬菜，無添加人造色素及香料。

🌼而小朋友最愛嘅脆卜卜零食都係不經油炸，無添加調味料，好好味，連我都鐘意食🤣🤣 

🌹你地睇下雷囡s食得幾開心！真係由6個月都60歲都啱食架🤣

間中都有優惠你價，想買可以去佢地網頁睇下

Ella Kitchen  - https://www.facebook.com/ellaskitchenhk/?ref=br_rs

Ella Kitchen Website - https://ellaskitchen.tmall.hk/

PopStar Global 

https://www.facebook.com/popstarglobal

#EllaKitchen #ellaskitchenhk #有機嬰幼兒食品 

#POPSTAR #星光博客 #PopStarGlobal #加固好幫手 #健康零食 #有機果蓉 #popstarevent2018

雷小囡用學習筷子

21個月人仔用 #學習筷子 

細細個用家姐對筷子食麵麵。最近開始正式用學習筷子，不過手指仔仲未好夠長。所以仲係食到天一半地一半😅 好彩媽咪已經見慣大場面，EQ勁高，食到成地都係都冇有怕，大不了咪拖多次地洗多次衫。唔會因爲怕污糟而阻止佢。由佢自由發揮！

好多時身邊嘅人會講佢咁食會周圍都係...好想講句：又唔係你做。我做果個都唔介意啦！

我成日係清理案發現場都係保持微笑，同自己講：

「遲早會大，遲早會識！忍多一陣啦，過程黎嘅😆」各種拖緊地嘅媽媽，加油💪🏻共勉之！

#微笑可以熄滅心中團火

#微笑有助保持心情開朗

#想鬧人時微笑一下

玩轉白泥生態保育農莊

玩轉白泥生態保育農莊

今日又黎 #偽單親四圍遊 #一拖二親子遊 。

帶住雷囡s去左白泥玩! 嘩！ 白泥？聽到都覺得遠...其實原來又唔係想像中咁難去。出左天水圍站B出口下面就有車去。33、34 號車。直達釣魚場。旁邊就係白泥生態農莊。白泥世界杯嘉年華喇!

雷囡s玩得好開心，媽咪同家姐最鐘意玩踢足球（竟然？估唔到呢？）雷小囡當然就係玩水啦！水槍手指仔唔夠力射，就咁玩入水都玩一大餐😆。仲有超夢幻泡泡池。簡直俘虜晒所有小朋友嘅心💗💗

仲有Bubble Soccer ,除左同黎對戰互撞之外。雷大囡竟然用黎當滾雪球，不斷碌黎碌去。真係乜都玩一餐👍🏻仲有足球九宮格，細細個睇電視睇得多，自己玩原來咁好玩，我都入到球架...（雖然係出🐱）😆

雷大囡仲要我快啲整好條片俾佢睇，勁心急😆 好啦，剪完先瞓，聽日俾佢驚喜佢😉😉大家都一齊睇下片👉🏻

溫馨提示：

🌞好好天，好曬，防曬一定要做足

🦗蚊蚊唔算多，我竟然冇俾蚊蚊咬😆但都一定要用驅蚊產品

👚小朋友要帶衫之餘，大人都一定要帶。點解？睇片就知....唔知點解我俾成班小朋友追住黎射水槍..好明顯係有孩子緣啦😆

雖然濕晒但好好玩，好開心，突然覺得自己後生左🤣🤣 

⚽️⚽️⚽️⚽️⚽️⚽️⚽️⚽️⚽️⚽️⚽️⚽️⚽️⚽️⚽️

小小介紹：

會場設有多個不同區域及大型遊戲，大型遊戲區有泡泡足球，桌上足球，足球九宮格挑戰區，仲有水戰區，大型波波池及充氣迷宮等。場內仲有超大草地休憩區，同大自然零距離享受野餐，影相區，美食區，禮品區及DIY手作坊，直頭一家大細有得食有得玩足全日，放電好地方

#白泥世界杯嘉年華

地點：白泥生態保育農莊

            元朗流浮山上白泥村154號（幸福釣魚場旁）

日期：2018年7月21日至8月26日逢星期六、日

時間：11:00am-5:00pm

收費：$100（大小同價，1米以下小童免費）

車位：免費提供,需預約

詳細內容: http://naturalgarden.hk

Facebook: 白泥生態保育農莊 Natural Garden

#白泥生態保育農莊 #NaturalGarden 

PopStar Global

#POPSTAR #星光博客 #PopStarGlobal #popstarevent2018 #白泥世界杯嘉年華 #放電一流 #大草地 #親親大自然 #親子遊 #好好天好曬🌞

#防曬一定要帶 

#POPSTAR #星光博客 #PopStarGlobal #popstarevent2018

@popstarglobal @白泥生態保育農莊

想知多啲我地嘅 #生活小貼士、#簡單食譜、#育兒分享、#吃喝玩樂、#美容，#親子遊、#親子烹飪 ，快啲Like我地啦😘

Facebook page : 雷囡媽媽 https://www.facebook.com/pg/luiluimamak

Facebook:https://m.facebook.com/luiluimama 

YouTube: Luiluimamak https://youtube.com/results?q=luiluimamak

Instagram: https://www.instagram.com/luiluimama/

Blog: https://luiluimama.blogspot.com

#產品試用 #邀稿 #blogger #出席活動 #babyblog #mumblogger #bkol #cutebaby 

最近暑假，日日諗帶佢地去邊之餘，我仲因應佢地嘅需要買左好多唔同嘅玩具，希望佢地地可以從遊戲中學習。精打細算嘅雷囡媽媽會因應用途同玩嘅周期而買唔同價位嘅玩具。反x地城同淘淘都有。總之啱用啱價先買。冇計啦，全職媽媽係要堅啲架喇😆希望唔好笑我啦😅😅

同大家分享下其中一款。因為最近雷小囡可能嚇親，所以突然好怕黑，怕到晚晚醒左都喊住話：「黑蚊蚊，開燈呀！」晚晚開燈瞓當然唔係辦法啦。我同家姐嘅睡覺質素會好差架嘛！所以我就買左呢款 #故事幻燈片 ，簡單一個電筒，有6個童話故事，再加8片圖片。都係幾十蚊。抵玩👍🏻

希望用呢個 #故事投影儀 令佢唔怕黑。下午同佢係房玩下熱下身，引起佢對投影機興趣。夜晚再玩時候就關房門黑麻麻，開始時佢驚到唔敢出聲，之後就開始有啲反應。最後仲不斷叫我地入房睇duck duck 👍🏻 戰略成功👏🏻👏🏻👏🏻 

如果你地嘅小朋友都同雷小囡一樣怕黑，都不妨試下呢類型嘅玩具吖☺️☺️

去街街前要做足準備，搽完防蚊膏就去街街喇！

夏天最鐘意帶雷囡s去戶外玩。但我同雷小囡都係好受蚊蚊歡迎，成日俾佢地咬到一嚿嚿。真係好慘架！

⛱好彩有次野餐，有媽媽朋友借左呢款 #Alfresco 俾我試。搽完真係即時冇蚊蟲敢埋身，個味唔會好濃，而且仲好保濕。連雷小囡啲敏感性皮膚都完成冇問題。後來先知原來呢款Alfresco 係媽媽谷好出名，九成媽媽都用佢架。我當然即時去入貨啦🛒🛒

大家都快啲試下啦！

英國品牌，醫護界推薦

Alfresco ®英國草本防蚊產品，100%英國製造，經英國某名牌大學衛生及熱帶醫藥學院進行多項測試，證實能有效防止蚊叮蟲咬。Alfresco蘊含20種純天然草本精華成份，不含避蚊胺(DEET)，質地清爽又保濕，BB香味，有效預防蚊蟲叮咬。即使是最幼嫩的嬰兒肌膚、敏感性皮膚，孕婦及哺乳期的媽媽都可安心使用。

Alfresco 英國草本防蚊 - 香港 PopStar Global 

Popstar Global - https://www.facebook.com/popstarglobal

Alfresco  - https://www.facebook.com/AlfrescoHK 

Alfresco Website - www.alfrescoshop.com.hk

#Alfresco #草本防蚊 #不含DEET #成份天然

#適合bb幼嫩的肌膚

#媽媽谷最紅防蚊產品

#媽媽最安心推介

#孕婦及哺乳期的媽媽都可安心使用

#POPSTAR #星光博客 #PopStarGlobal #popstarevent2018

唔好以為鈣質係老人家先要補充，其實兒童同青少年都開始要補鈣架喇！因為趁早補鈣，可以幫忙佢地發育增高之餘，仲有助鞏固骨骼，減低出現骨折嘅機會。連牙齒都堅固啲呀！阿囡成日打波做運動，發生碰撞在所難免，所以希望佢有足夠嘅鈣質，強健嘅骨骼，咁就冇咁容易受傷啦！之前打波已經打崩咗一隻牙喇，心痛死我，唔想再崩多隻呀⋯⋯

而佢食量好少，又長時間喺室內活動，曬太陽嘅機會又唔多。怕佢未必能夠係飲食或曬太陽當中攝取足夠鈣質。所以我會俾啲鈣片佢補充下。

但係雷大囡一聽到要食鈣片，就勁抗拒！佢雖然九歲，但因為佢好少病，所以其實佢仲未識吞藥丸（唔知咁算好事定壞事呢？）...坊間好多鈣片都係藥丸裝。買過俾佢試，最終成樽放到過晒期都冇食到，㗰晒！亦都有試過一啲兒童鈣軟糖同液體鈣補充劑。軟糖我覺得太甜，補鈣功效未見，但已知佢糖份極高，真係弊多於利...另外液體鈣就味道怪怪地，倒出黎仲好易攪到周圍都係...試完一次佢就唔肯食喇...

今次俾佢試呢隻鈣思健嘅乳酪味兒童咀嚼鈣片，日本出產令我好安心，甜甜地好好味，一日一粒好方便，佢好鐘意食呀！

而我自己生完2個小朋友，而且有餵母乳，鈣質流失極嚴重。為左可以有更強健體魄照顧小朋友，我就食埋挪威出產嘅 鈣思健大人鈣片檸檬味咀嚼鈣片，氣味清新，甜甜地都好好味。打破晒以往食鈣片嘅壞印象。

而家阿囡會自動自覺食鈣片之餘，仲會提醒埋我同佢一齊補鈣喇!準時過鬧鐘呀！哈哈哈！

#鈣思健 #鈣片是要咀嚼的 #補鈣 #兒童鈣片 #成人鈣片 #強健骨骼 

想知多啲我地嘅生活小貼士同育兒分享，快啲Like我地啦

Facebook Page ：雷囡媽媽

instagram: luiluimama

簡單食譜 YouTube: 雷囡媽媽 Luiluimamak