2018年9月29日星期六

女兒就是我的一面鏡,照出我所有好與壞,這就是身教

身教的確非常重要!雷小囡係我面鏡,話說突然有一日,當時19個月大嘅雷小囡,無啦啦攞起家姐本書,係度咦咦哦哦⋯⋯同家姐講:快d啦! 幾點呀? .. 喺我地摸不著頭,諗唔明佢講乜之際,佢又爆多句:快d溫書呀! 做功課呀! 
啲語氣同態度衰到一個點....個樣仲勁乞人憎!(咦?乜原來我叫個囡溫書果刻係咁衰架🧐🧐真係要檢討下先)
小朋友就係一張白紙,你教乜佢做乜,但唔係你教佢abc佢就只學abc..佢最易學到嘅,就係父母嘅一舉一動...呢啲就係我認知嘅 #身教 喇..
我成日都叫人唔好係bb面前講粗口。更加討厭人地係我囡面對講粗口,就算係長輩,我都會馬上溫馨提示。
因為我曾經見過一位舊同事個小朋友得2歲,未識叫人但已經識講粗口。佢父母當時覺得好叻好好笑。但講完後就一把打落爸爸塊面度...咁人地點教人地嘅事我冇資格批評。所以有版我睇,我大囡出世後我一句粗口都未係佢面前講過。(英文縮寫2個字就間中出現嘅😅😅)
你可能覺得講粗口冇咩大不了,仲可能係潮流嘅一種,人地阿乜sir都教粗口教到紅左又發左啦..咁人地係上流社會,大學高級講師有名有利,講粗口都講得好聽過人。我自己都好鐘意睇佢。同老公係佢粉絲tim😆😆但我個囡未到呢個層次之前,我都唔希望佢咁快講呢樣。唔識又唔會死嘅😆
有個朋友佢教仔仔唔好講粗口,佢同個仔解釋得好好。佢話:「粗口人人都識講,識講唔代表佢叻!因為忍得住唔講先最難。你忍到唔講先係最叻!」 我覺得佢講得好好。所以借分享😆😆
另外有幾個身教嘅好例子。
而且想當年我爸都係食住煙教我唔好學人食煙。講住粗口教我唔好學人講粗口....果啲年代教仔女冇咁講究,我估好多人都親身經歷過。但到左呢個年代仲係咁?人要進步嘅...
正所謂好嘅唔學壞嘅學晒,身教真係影響深遠...
今日有感而發,希望時刻提醒自己!



唔煮飯都有主婦手?又痕又痛又甩皮,想解決?煩左我年幾嘅問題,3日即見效,初體驗分享(上)



困擾左我年幾嘅 #主婦手 發作!終於搵到個方法3日幫我解決左!今個秋冬,我可以繼續享受我嘅 #下廚樂 喇!人生充滿希望喇🤩
主婦手成因:
話說我雙主婦手,由上年雷小囡住院1晚後開始...因為喺醫院不斷洗手,而且本身對醫院果款洗手液好敏感。洗左2日,我雙手出現裂紋,又紅又痛,呢個惡夢就咁開始喇...之後每次煮飯掂到洗潔精又會爛,爛到連iphone都用唔到😭爛到冇晒指紋,開唔到鎖...又痕又痛又甩皮。睇醫生話除非我唔掂水,如果唔係都好難會好...仲聽過有個風趣嘅解決方法,一係就叫你老公請個工人俾你,一係就叫你老公休左你!
唔!掂!水!?作為一個冇請工人姐姐嘅媽媽,有呢個可能嗎?湊住個當時只有一歲嘅bb,唔掂水?唔通換片要帶住手套?定係唔洗手?邊樣好d?當然係2樣都唔得啦!唯有忍痛繼續做,繼續洗手,由對手繼續爛😭
而煮飯就令病情更加嚴重。好彩我的母親大人住得近。日日幫我煮飯洗菜洗碗。見到佢咁辛苦,我都好心痛好過意唔去...有一排唔想佢咁辛苦就餐餐外賣。但係大人就話冇所謂姐,2個囡唔可以㗎嘛!唯有繼續辛苦母親大人,同埋自己戴多啲手套。洗碗都要戴2對。處理食材就買專用嘅手套。瞓覺又搽 cream,再戴住手套瞓。係好辛苦,但總算減輕病情...

所以大家記住,想減輕病情必須要:
*盡量減少濕水。就連刷牙我都戴透明手套,因為牙膏都好刺激。
*買溫和嘅沖涼液代替洗手液。
*煮飯時要戴手套,處理食材要買白色膠果款,綠色位3M嘅,果款註明可以處理食材。同埋內部冇白色粉末,又冇膠味,唔會敏感。
*洗碗要先戴一對透明手套再戴洗碗手套。要隔絕膠手套內層粉末,同物料。
*準備一盒透明手套,$12蚊店一盒100隻,又平又安心
*處理一般家務,拖地,抹塵等要戴手套,就連唔濕水嘅掃地都要戴。因為主婦手已經有傷口,接觸到污糟野就會感染令病情惡化,所以戴手套唔懶得!
*瞓覺要搽cream,再戴手套瞓。

就係咁,24小時搽cream,盡量唔濕水,乜都交晒俾媽媽做,做乜家務都戴手套...咁就捱過左一個漫長嘅秋冬喇!到春天先開始好轉,夏天先用得返 #指紋解鎖功能 .
以為已經事過境遷,點知我雙手好似預測到天氣變化咁,準過天文台,提早俾左個轉季提醒我..我雙手又開始爛喇...唔通美好嘅時光真係過得特別快?又係時候講bye bye? 惡夢又要開始喇?

好灰嘅心情當然要去shopping平衡下,經過萬寧又入去望下,見到隻 #鱷膚油 ,見好多朋友介紹過對bb濕疹好有效,見就轉季就買定枝返屋企,俾我2個濕疹b旁下身。見佢過話主婦手都得,又不妨試下啦,因為之前我都試左不下十款治療主婦手嘅藥膏,連醫生開嘅都冇效。所以對呢隻本來都冇抱太大期望,只係買左順便試埋。夜晚瞓覺前塗左一次,第二朝瞓醒見都有好轉。痕癢減輕左好多,甩皮情況改善。到第三日(即寫文呢刻)一瞓醒,雙手好返8成! 感覺係奇蹟出現喇!! 講緊只係搽左2晚!! 就有咁嘅效果,所以忍唔住要即時同大家分享。 因為開始時冇太大期望,所以都冇影太多相準備。希望大家唔好介意。但睇到個對比真係好明顯。會繼續使用,再同大家分享成果。











如果你或者家人,特別係你最愛嘅媽媽都有呢個問題,就記得留意我之後嘅分享,會再詳細紀錄☺️☺️

俾住少少資料大家睇住先:

產品功效
「正品鱷膚油」以「先舒緩, 後修護」的原理,速效消紅止癢,抑制真菌擴散,加速傷口癒合,重建肌膚屏障抗返發。加上屬自然萃取物,天然無添加、不含類固醇、防腐劑、不加香料、人造色素、不依賴,適合孕婦、幼兒及成人使用。

適用人士
初生嬰幼兒
孕婦及哺乳期女性
主婦手
龜裂脫皮
濕疹
紅熱痕癢
香港腳
起泡滲血
詳細資料可以去官網望下。
https://herbstandard.com.hk/hk/products/detail/crocodile-oil
想知多啲我地嘅 #生活小貼士#簡單食譜#育兒分享#吃喝玩樂#美容#親子遊#親子烹飪 ,快啲Like我地啦😘

Facebook :雷囡媽媽 https://bit.ly/2Nz3xpP
YouTube: https://bit.ly/2x3bYAf
Instagram: https://bit.ly/2NCF0QC
Blog:https://bit.ly/2oWXHRn
相片相片相片相片相片
30/9/2018
6 張相片 - 查看相簿

好物分享 Lifetrons 射頻美眼儀 逆齡神器 去眼袋減黑眼圈功效顯著

好物分享 Lifetrons 射頻美眼儀 逆齡神器 去眼袋減黑眼圈功效顯著
自從生左第一個小朋友後,已經好少時間可以去美容院
facial,生埋雷小囡就更加諗到唔洗諗喇...
湊住2個小朋友,忙到瞓覺時間都唔夠。皮膚越來越差,眼袋同黑眼圈越來越嚴重⋯⋯我唔可以就咁放棄自己架,我仲想等雷囡s大個左,一齊行街街時扮係佢家姐架嘛☺️☺️




   


前排經過豐澤電器,見到竟然有呢部Lifetrons RE-100 射頻美顏儀賣。其實之前去旅行搭飛機時睇到訂購已經想買不過冇買到。而家喺豐澤都有賣,當然即時買部試下啦!


啱啱用左2個星期左右,雖然我唔係日日用,但已經睇到明顯嘅效果。佢對眼袋同黑眼圈特別見效。


試過有一次我做完射頻導入,雷大囡突然同我講:「媽咪,你隻眼凹咗!」我俾佢嚇親:「吓?咁驚?」原來佢意思係我本身個眼袋位好腫,而家冇左....呢啲叫平左,唔係凹咗呀囡!😂 俾佢笑死我。 

而且使用方法好簡單,每次做幾分鐘就好有效果。同埋做完對眼好舒服,成個人都放鬆晒,好Relax!做完真係好想睡覺💤 (如果雷囡s唔嘈住我更好!)

用法簡單
導入按摩頭:適合每晚使用,查完眼部精華後,輕輕打圈按摩直至完全吸收

 

射頻按摩頭:適合隔日使用,用於下眼袋位置。輕輕由下至上提拉。或者順時針打細圈,由下至上逐漸打圈。
每邊3-5分鐘,直至感覺有足夠熱力。






功效:
四合一設計,集射頻、負離子、聲波震動和溫熱理療於一體, 有效減淡眼紋,改善浮腫,提升眼角,緊致明眸,緩解疲勞,去除黑眼圈。

想知有幾好用?去片: https://youtu.be/ipf5mOjoDEo

想了解更多詳情可參閱:

lifetrons #lifetrons射頻美眼儀 
#射頻 #逆齡 #去眼袋 #減黑眼圈 #功效顯著 
#雷囡媽媽 #雷囡媽媽食譜 #雷囡媽媽簡單食譜 

想知多啲我地嘅 #生活小貼士、#簡單食譜、#育兒分享、#吃喝玩樂、#美容,#親子遊、#親子烹飪 ,快啲Like我地啦😘

Facebook :雷囡媽媽 https://bit.ly/2Nz3xpP
Ulifestyle:雷囡媽媽https://bit.ly/2xb05rt
Esdlife:雷囡媽媽 https://bit.ly/2N3pMVu
BKMilk :雷囡媽媽 


2018年9月25日星期二

一拖二親子遊 親子diy 整凳仔 仲有得玩波波池



#一拖二親子遊 



今次去左個一拖二都好舒服嘅地方玩👍🏻👍🏻 
趁中秋假期,報左個親子班, DIY整凳仔 ,雷囡s化身鬥木b😆😆 
去之前都好擔心,有一百個擔心... 
擔心我2個敏感b接觸油漆會唔會出粒粒㗎! ...
擔心好大味好臭味!
擔心有毒甲醛!
擔心周圍都係木碎,影響呼呼!
擔心個個小木匠整完凳仔去玩波波池會好污糟....
擔心如果情形惡劣我點帶走小囡?....  

:下刪一百字 

但因為雷大囡一直都好鐘意呢啲DIY,特別係鬥木(屋企所有啲小木櫃、木層架、凳...都係佢整嘅💪🏻)所以見佢咁想去就試下啦!大不了放低錢走人姐!
點知一入到去,「嘩!好靚呀⋯⋯」雷小囡勁興奮咁衝左去波波池。我之前所有擔心都諗多左。




 



因為用無毒顏料,一啲木味油漆味都冇。
而木材已經打磨過,非常光滑,所以都唔會有木碎周圍飛。
而且每個小朋友整完凳仔玩波波池之前都要洗乾淨晒先俾去! 
環境光猛,乾淨衛生。裝修好靚,似去左台灣d小型cafe...好寫意🌷☘️ (聽哥哥啲口音好似係台灣人,不過唔好意思咁八掛😂)


呢度設計好貼心。雖然地方唔大,剛好啱晒我呢啲帶2個小朋友嘅媽媽。可以一邊陪大囡整凳仔,又可以望實小囡自己放電,同時湊2個完全冇問題!
(覺得自己好似超人,陪住個大囡,5分鐘唔夠雷小囡就會叫我,我飛奔去小囡度,隔5分鐘到大囡叫我...飛嚟飛去。勁💪🏻

小木匠大囡整好張凳仔後,2姊妹就一齊油顏色,畫圖案。而因為有波波池喺旁邊,就算好似小囡呢啲坐唔定嘅小朋友都唔怕悶,玩下做下,開開心心就完成喇!



 


 




除左木凳,仲有好多diy手作,有遮、小木琴、小木馬 、搖鼓...大人小朋友都啱㗎,多到數唔晒,樣樣都好想整,下次再去先☺️ 


✅除左小朋友,大朋友都啱㗎!親自做禮物俾朋友就夠晒心思啦!


 

 

多謝晒哥哥姐姐咁耐心嘅教導。希望下次可以再一齊玩啦!



森林動物園
Page : https://www.facebook.com/forestzooworkshop/
地址:觀塘開源道凱源工業大廈3H2
Whatsapp: 64856361

#可愛小木凳 #親子diy #親子活動 #波波池 #playhouse #小木匠 #親子遊 #樂器 #化妝鏡 #木鏡 #小木馬 #筆筒 #生日禮物 

2018年9月14日星期五

用後分享 Lancôme 皇牌 "小黑瓶" 升級版嫩肌活膚精華基底液


果日行過專櫃,見到最近 #Lancôme 新出左一款皇牌產品,由酵母萃取 嘅升級版嫩肌活膚精華基底液 「小黑瓶」。貪靚嘅我當然要走去試下啦!

sales姐姐講,呢個酵母萃取技術好勁㗎!可以 #賦活肌膚,#強化肌膚自我保護功能,仲可以 #修復肌膚底層細胞,#促進細胞基本元素,#完美激活肌膚!總之就係一大堆聽唔明但又覺得佢好勁嘅字眼啦! 簡單啲講句,即係防水分流失,幫忙肌膚回復彈性,逆齡咁話啦!

試用時覺得佢個質地輕盈透薄,好易推,仲好快吸收。搽上手即時好似有層保護膜咁。又真係唔錯,當然即時入手啦。
呢枝「小黑瓶」係肌底精華,洗完面就要用左佢先,之後先搽其他野,會幫忙埋其他嘅護膚品吸收得更好。

我用左大約1星期左右,覺得皮膚冇咁乾,就算全晚開住冷氣瞓覺,第二日都唔會出晒油。摸落仲好水潤。而且皮膚平滑左,比之前膚質更柔軟,更加有光澤,有透亮嘅感覺。膚色都均勻左好多。
真係成個人都好似年輕左!你地都快啲試下啦!

Advanced Génifique 升級版嫩肌活膚精華肌底液以
saccharomyces cerevisiae酵母萃取作完美護膚契機,令
Lancôme的研發成果極盡大膽創新。酵母萃取能賦活肌
膚,綻放動人神采,煥發青春活力。從自然而來的精
髓,由Lancôme科研迸發。
肌膚每天遭受外來環境侵擾,是身體與外面世界之間的相
交點,是真正的保護屏障。屏障對外表的影響顯而易見,
除了要防止水分流失外,更要抵擋外來物入侵。若皮膚的
保護功能改變,便會更容易受侵害,變得脆弱,讓外來壓
力因素有機可乘,深入影響肌膚。
因此,為使肌膚回復彈性,重拾健康青春光采,必定要強
化肌底,鞏固肌膚屏障。

這正是Lancôme獨家saccharomyces cerevisiae酵母萃取的主要作用,先令表皮的分層更綿密細緻,
強化保護肌膚的屏障,讓肌膚全面發揮保護功能;再讓酵母對真皮結構發揮作用,從內有效修復
肌膚底層細胞,促進細胞基本元素合成,完美激活年輕肌膚,呈現原有光芒。





#FindYourLight #Genifique #LancomeHK
#Lancome #AdvancedGenifique #升級版嫩肌活膚精華肌底液 #深受亞洲女士歡迎 酵母萃取 #肌底精華 
#LancomeAdvancedGenifique 

#雷囡媽媽 #雷囡媽媽食譜 #雷囡媽媽簡單食譜 

想知多啲我地嘅 #生活小貼士、#簡單食譜、#育兒分享、#吃喝玩樂、#美容,#親子遊、#親子烹飪 ,快啲Like我地啦

Facebook :雷囡媽媽 https://bit.ly/2Nz3xpP
Ulifestyle:雷囡媽媽https://bit.ly/2xb05rt
Esdlife:雷囡媽媽 https://bit.ly/2N3pMVu

BKMilk :雷囡媽媽 

【豐胸產品推薦】如何豐胸效果最好? 唔好錯過之Envus豐胸體驗

【 豐胸產品推薦 】 如何豐胸 效果最 好 ?   唔 好 錯過之 Envus 豐胸體驗 早前去左  Envus  做左一次即時見效嘅豐胸療程。 起初我都充滿懷疑,非藥物、非注射、非手術! 點可能一次有效果?  但 我以前 搵左好...