2018年10月30日星期二

雷小囡就嚟2歲喇!回顧返呢2年時間過得好快,有時真係好唔捨得佢大得咁快呀⋯⋯
佢都算係身手不凡,牙尖嘴利嘅麻煩b!早行早講野。歲半左右已經有4-5個字簡單句子。20個月左右已經有完整句子簡單溝通。好多朋友問我點解佢講野咁叻,其實唔算好叻,但因為湊過家姐,所以當中可能有少少心得咁啦。

當然每個小朋友發展方向唔同,一世人有一百幾十年要過,早一年半載其實唔算係啲咩。遲早都識嘅野。唔急於一時。唔洗太心急。但早識講野,喺最麻煩嘅 #trouble two 確實係有好嘅幫助。因為可以溝通到,知佢想要咩唔想要咩,都可以教佢有咩可以做,更可以教到佢喊係解決唔到問題。所以我喺最麻煩嘅 #trouble two 過得算比較輕鬆。想同大家分享下我嘅小秘訣,都係果句,係啲好多人都知嘅小心得。只係容易被忽略!

其實我覺得有幾方面對小朋友說話有影響嘅。
Bb話:
唔好同bbbb話。 好多人見bb成日伊伊吖吖,就鐘意用返「bb話」回應佢。好似好親切咁。其實大家有冇諗過佢地點解要講「bb話」?bb只係因為太細,只能發出冇意思嘅聲音。只係大人覺得好可愛所以陪佢講,但其實你同佢講緊嘅時候佢係學習緊,模仿緊你講野。所以最好唔好再同佢地伊伊吖吖,正常說話,咁佢地先學到講野㗎!
加固:
剛開始加固當然要俾啲易吞易消化嘅野佢地食啦,糊仔、果蓉、粥仔、瓜蓉...之後就魚蓉、肉糊、爛飯、肉碎...當然每個bb嘅情況唔一樣,唔可以一概而論。但而家科技太先進,好多工具可以簡單做出各重食物蓉、仲隔埋渣...但其實咁樣就好易錯過左重要嘅咀嚼訓練。其實醫生都有教,多咀嚼對講野真係好大影響。所以我從來都冇用過什麼研磨機,隔渣器。用最簡單嘅工具去處理食物。最多都只係買左個$38bb碗,個底有粒粒突出,用匙底打圈壓爛啲食物。好多人擔心咁樣會唔會難消化甚至哽親。咁就要睇下你整咩食物啦!其實跟返正常發展食野。睇返食材嘅軟硬度選擇,咁就冇問題啦!最簡單嘅,南瓜切薄片蒸熟,用匙一壓就已經係糊啦,仲洗乜研磨器呢?冇人叫你專登去煮啲硬嘅野㗎嘛!正常跟返階段適合嘅去食就可以喇。

教學:
bb講野唔係要攞住本書!而係要同佢面前面,俾佢望住你。當教佢嘅時候,口形盡量誇大。慢慢講。俾佢望到你嘅口形變化。咁就更加容易學習啦! 
鼓勵:bb成日伊伊吖吖唔知講乜都好,我都一定回應佢,等佢知道我聽緊佢講野,佢會好開心。所以我成日自言自語,或者同人傾計時會望住佢,佢會以為我同佢傾計,佢都會好開心㗎!
而且我會盡量估佢想講咩,等佢以為真係自己表達到出嚟,再加以教導。咁佢就會更加鐘意學講野喇!


習慣: 
家長好多時都想bb早啲識文三語,成日都一句說話中英夾雜。或者有一個以上照顧者。呢個就係最易令bb混淆喇!
大囡果時識幾個同學仔,23歲都未識簡單句字。睇返佢屋企可謂「八國聯軍」!爸爸講廣東話、嫲嫲講鄉下話、媽媽講國語再夾雜啲簡單英文...你叫個小朋友學得邊樣先?
雖然好似好極端,但而家見好多差唔多嘅情況。周街都見到嘅係:「BB,你要唔要食apple呀?」「你睇下,有car呀!」「banana 係咪甜甜好yummy?」...
當然啦,好多人認為專家話3歲前係學英文嘅重要時刻,點可以唔學咁輸蝕呢?但試問,呢啲唔咸唔淡嘅「英文」你叫阿b點學呀?要教就正正經經咁教。要坐定定攞住教材教。等佢意識到學習時間同日常溝通有分別。
果時我教講野都有時都會有中有英,為嘅唔係佢學英文,而係教一啲佢易發出嘅音。例如15個月左右我會教英文duck duck,又會教下中文雞雞,貓貓..總之教一啲佢會發音容易嘅字,令佢有成功感,咁就鐘意講野啦!教左之後就唔好成日轉嚟轉去。到大左先解釋返中文同英文唔同。

15個月

18個月 

24m
https://www.facebook.com/luiluimamak/videos/273248076649408/

而令小朋友遲講野嘅最大原兇就係....
💥手機啦!💥攞住部手機睇片阿b根本就唔覺得自己有講野嘅需要!而且畫面閃動次數同頻率對bb眼部同腦部發展影響好大。所以我仲堅持到而家仲未俾過雷小囡用手機睇YouTube,就算用手機影完相睇返佢啲片,都只會俾佢睇1-2 ,一分鐘唔夠我就會收埋㗎喇!仲同佢解釋佢係bb唔睇得手機。佢當然間中會偷睇到。但我地全家盡量留意同避免。
聽歌學英文我會用電腦電視甚至係古董vcd機,因為果啲對眼睛傷害冇咁大,而且畫面質素差啲相對閃動頻率冇咁高。對腦部影響少啲。同埋大大個mon,佢地冇咁集中,睇一陣就會走去玩。唔會好似用平板咁睇到實一實。
好似又長氣左,講住咁多先,大家有興趣可以互相交流一下心得
記住唔好有壓力,最緊要開開心心

#雷囡媽媽 #雷囡媽媽食譜 #雷囡媽媽簡單食譜 

想知多啲我地嘅 #生活小貼士、#簡單食譜、#育兒分享、#吃喝玩樂、#美容,#親子遊、#親子烹飪 ,快啲Like我地啦

Facebook :雷囡媽媽 https://bit.ly/2Nz3xpP


2018年10月27日星期六

簡單輕鬆煮 飯煲食譜 柱侯牛腩 柱侯蘿蔔牛𦟌 按個制作返屋企就有得食喇就有得食喇

電飯煲簡單煮 幾忙都可以食好啲 柱候牛腩食譜
   



 忙到死,唔想食外賣,唯有交俾阿 #飯煲 啦!中午1:00放入飯煲,出門前已經煲好,成屋都香晒。繼續keep warm!
  

 香港選擇運動呢條路真係好唔容易,真係好辛苦。

雷大囡今朝6:30起身返學。放學後打波,跟住就嚟比賽....終於打到9:45完場,返到屋企10:00,煮埋個麵加埋啲牛腩,10:15開餐。勁好食😆😆 勁攰!
焗左咁多個鐘又唔會淋到爛晒,仲好好食。仲夠晒腩汁,配麵一流👍🏻
香港嘅運動員,加油呀💪🏻💪🏻💪🏻💪🏻💪🏻

食譜: https://youtu.be/-WqRAQexDFo

記得幫忙按下免費訂閱頻道,經常都有簡單好煮意同大家分享㗎!多謝🙏🏻

材料:
牛腩粒⋯⋯⋯1磅
牛𦟌⋯⋯⋯⋯1磅
柱侯醬⋯⋯⋯4茶匙
南乳⋯⋯⋯⋯1磚
糖⋯⋯⋯⋯⋯1茶匙
白蘿蔔⋯⋯⋯1個
薑⋯⋯⋯⋯⋯適量

水滾加薑片,放入牛腩牛𦟌出水
預熱飯煲2-5分鐘
把牛𦟌牛腩放入飯煲,加柱候醬及南乳,砂糖一茶匙,略炒
再加入蘿蔔,炒均勻。
注入滾水,差不多是材料一大半。
用煲粥模式或1小時模式。
完成後可繼續煲溫。完成

#雷囡媽媽食譜 #雷囡媽媽簡單食譜 #雷囡媽媽柱候牛腩煲 #柱候牛腩 #蘿蔔柱候牛展

想知多啲我地嘅 #生活小貼士、#簡單食譜、#育兒分享、#吃喝玩樂、#美容,#親子遊、#親子烹飪 ,快啲Like我地啦😘
Facebook :雷囡媽媽 https://bit.ly/2Nz3xpP

YouTube: https://bit.ly/2x3bYAf

Instagram: https://bit.ly/2NCF0QC


Blog//bit.ly/2oWXHRn

2018年10月18日星期四

「好物分享」鼎爺推介,炎痛消熱疚帶,腕痛帶、頸痛帶用後分享

最近我的母親大人成日嗌頭痛,睇醫生發現佢頸椎問題,所以壓住神經,咪搞到成日頭痛囉! 一嚟係因為年紀大啦!二嚟係因為成日玩手機,#低頭族通病!香港人有邊個唔係低頭族?當然雷囡媽媽我都唔例外啦!一日到黑攞住部手機篤篤篤! 搞到成日手又痛頸又痛!仲抬唔起頭做人tim (條頸真係緊到只能抬高約4-60度啦,想睇星星都難..
所以就去搵啲野想幫忙減輕母親大人嘅痛楚,上網見阿 #鼎爺 介紹果款 #炎痛消熱疚帶 #頸痛帶 好似好好,走去萬寧睇下啦!原來佢又係 #正品藥業 出嘅!自從試過上次果枝 #鱷膚油 咁正!真係做左佢地嘅忠實fans呀! 對佢地產品勁有信心!咁啱上次 #正品 俾過優惠我地讀者,咁慳家嘅我好唔怕醜咁問下佢地今次有冇優惠啦!又有喎!即時買嚟試用。因為我的母親大人都算比較有要求,啲野唔好唔用,所以自己試左先,好先再買俾佢。
使用測試:
用法簡單:每次只需要用濕手巾或噴壺整濕佢,包住自己痛果個位置,敷大約5分鐘到開始有反應,好似搽完跌打酒咁,涼涼地又桔桔地咁。過多一陣開始有啲好似熱熱地,嗱嗱地咁嘅感覺,feel 到佢開始血液循環,咁就可以除落嚟㗎喇!
用後感: 
除左之後一直keep住呢種血液循環嘅感覺個幾鐘左右。真係好舒服,仲即時覺得鬆晒。
我最欣賞佢係戴一陣就除得,唔洗長期戴住。唔洗頂住條頸唔舒服。
幾忙都用得,唔洗好似平時啲藥膏貼咁,出汗又會唔舒服、又有難聞嘅氣味,而且仲好礙眼!
用左幾日,已經冇晒果種酸痛感覺。終於可以抬起頭做人喇! 咁好用,當然即時買多條俾媽媽啦! 不過母親大人怕醜就唔影俾大家睇喇😆😆
價錢又平,平時買啲冇功能嘅壓力帶都差唔多價甚至更貴,呢款有效長達150次以上。就算用完都仲可以當一般護腕帶咁用。一物兩用,合符我慳家嘅原則😆
唔止咁,我仲買埋 #腕痛帶,我地成日玩手機,打字。打到隻手腕勞損,特別手指公條根扯到好痛,合埋拳頭都唔得。仲成日有麻痹痛。最慘係變晒 #樹根手 (血管擴張)好顯老㗎嘛!唔止出賣年齡嘅秘密㊙️,係增加老態呀!明明得3x歲,隻手似450歲咁,成手樹根,點可以唔理佢呢? 
用左二星期左右,手腕痛楚減輕左7-80%左右,好老實,因為我冇停止使用手機,同你講100%根治就呃你啦!當然大家忍到手唔玩手機,根治並不是冇可能😆😆加油💪🏻
而最最最明顯係啲樹根冇咁突出。而且冇乜痹漲感覺。搞到我又唔小心玩耐左電話🤦🏼‍♀️🤦🏼‍♀️
😓對唔住,反面教材:#醫治是為了玩更耐電話...
如果大家都係 #低頭一族 ,又有頸痛手痛嘅情況,就快啲買嚟試下啦!鐘意開心share @雷囡媽媽 一向都唔自私㗎!攞到優惠一定同大家分享啦!所以今次都一樣,幫大家攞埋優惠劵👏🏻👏🏻👏🏻買嘅時候出示就可以喇👍🏻👍🏻
再一次多謝 @正品藥業 😘

詳文分享: 

產品簡介
「炎痛消熱灸帶」以針灸原理舒筋活絡,促進血液循環,深層暢通筋絡,打通關節傷患的血氣瘀阻、不順,迅速消腫止痛,特別針對骨痛、勞損、傷患、關節退化。熱灸帶不含藥性,並通過有關致敏、致癌物、重金屬及輻射等多項安全測試,證實安全可靠,無副作用。

詳細資料係呢度: 

#低頭族 #頸痛 #頸椎 #勞損 #酸痛 #麻痹 #刺痛 
#手腕痛 #滑鼠手 #媽媽手 #打機 #打字 #舒緩痛楚 #熱力針疚 #貼身針疚師 #針對痛症 #快速見效 #熱力滲透 

2018年10月12日星期五

超過1000皮膚科醫生推介。OLAY 全新 PRO X 3D 緊緻精華、B3淡斑淡印精華。28日提升回彈、減淡色斑

 

香港空氣污染指數越嚟越差。對皮膚影響越來越大。而且反常天氣影響,紫外線指數亦都經常高於正常水平,令皮膚迅速老化、變得鬆弛、暗啞,色斑...等問題走晒出嚟。所以我一直都有試好多唔同嘅保養產品。希望搵到幫我解決皮膚問題嘅方法。
而最近收到OLAY 全新 PRO X 科研級精華系列俾我率先試用,    當然勁興奮啦,因為我一直都對Olay產品好有信心。之前消委會測試過,Olay嘅產品絕對係性價比高。價錢親民,質素媲美專櫃產品。所以我一直都係Olay嘅用家。而今次推出的 PRO X 精華系列,仲係由皮膚學專家研製,符合國際最高標準, 超過 1000 多位皮膚科醫生推薦,而且絕對無香料、無酒精、無添加,令我更加有信心。
  


而今次有幸率先試用嘅係呢2款:   

3D 緊緻精華同B3淡斑淡印精華。完完符合我嘅需要。一收到就急不及待即時開箱、試用分享報告俾大家!
 


首先講講呢款<OLAY 全新 PRO X 科研級精華系列3D 緊緻精華>
•含有豐富嘅洋薊葉提取物
-洋薊葉提取物有極高嘅抗氧化功效。佢嘅抗氧力比奇異果高比260%。
•洋薊葉提取物可以令皮膚緊緻,幫助肌膚提升回彈力。聽都知幾勁啦! 
用後感:
•試用左2星期,皮膚比以前更緊緻,有彈性。而且改善左我嘅鬆弛問題。面部輪廓提升左,有返晒回彈力,塊面即時覺得好似瘦左咁。毛孔都收細埋,令我化妝都比平時貼妝。好似後生左好多。
 


而另外一款係:<OLAY 全新 PRO X 科研級精華系列維他命 B3  淡斑淡印精華>


B3 淡斑淡印精華含有高效美白成分維他命 B3及糖海帶珍稀成分。
糖海帶嘅天然提取物有效干擾黑色素形成。可以減淡同抑制黑色素。美白淡斑,改善暗啞。而且仲可以加速角質層更新。令肌膚更透白有光澤。
用後感:
用左2星期後,覺得自己膚色均勻左,而且臉上紅印減淡左,色斑都有明顯改善。變得透白有光澤。化妝都唔洗再左遮右遮喇!

真心好用,大家都快啲試下吖! 

OLAY 全新 PRO X 科研級精華系列會係10 30 日起推出,萬寧同屈臣氏都有得賣。到時仲有限時$50現金優惠,記得留意呀!

2018年10月8日星期一

開心share 紐西蘭DHA+(鹿初乳配方) 試食後感


之前有個報導話小學生連踩8個鐘?我就話唔止喇,識好多同學仔放學後直接去補習班,有啲誇張到7、8點先返屋企! 何止8個鐘?12個鐘都嚟緊啦!點頂呀?
其實我覺得小朋友讀書,精神最緊要,如果精神唔好,你塞幾多知識俾佢都入唔到腦㗎啦!不如俾佢地輕鬆下,早啲「收工」,等佢地可以俾個腦減壓完先有位放新野㗎嘛!
所以雷大囡到而家小四都暫時未去過補習!日日放學做完功課就俾佢自己玩下玩具,彈下琴、睇下電視,做佢自己鐘意嘅野。好彩佢成績都唔錯。大家都冇咁大壓力,關係都好啲嘛!
返學睇足成日書,放學又睇電視,當然仲會間中玩下電話啦!對眼真係好攰㗎,所以我想買啲護補充品俾佢試下啦。但係見到呢款 紐西蘭DHA+(鹿初乳配方),除左補眼之外又可以補埋腦,一舉多得,當然就買嚟試下啦。


DHA對兒童腦部發展好好,幫助兒童提升學習能力,被譽為「腦黃金」。而且呢款仲有埋藍莓成份,補眼護眼。仲含有鹿初乳成份,增強免疫力。腦好、眼好、身體好,自然乜都好啦!
呢款紐西蘭DHA+(鹿初乳配方)連bb都食得,咁有好野當然要大囡同小囡都一齊食啦!小囡都話想聰明啲吖嘛!但係佢知唔知咩叫聰明呢?哈哈!


⭐️DHA是腦部及視力發展不可或缺的營養素,是決定兒童學習能力高低的關鍵,更被譽為「腦黃金」。
⭐️每天補充足夠DHA,能推動兒童左右腦同步發展,提升智商(IQ);同時配方內含鹿初乳成分,強化兒童免疫功能,藍莓,能促進視力發展,提升視覺敏銳度及觀察力。

❣️產品成分
🌟DHA:促進腦部發展,提升專注力。
🌟鹿初乳:強化兒童免疫功能。自然冇咁易病啦!
🌟藍莓:促進視力發展,保護眼睛健康。

❣️食落好似朱古力味糖咁,雷小囡都爭住食

產品詳細可以參考呢度:
https://herbstandard.com.hk/hk/products/detail/deerdha
@正品藥業
#正品藥業 #最強大腦 #眼睛精靈
#DhA #腦黃金 #紐西蘭DHA+ #鹿初乳配方 #提供專注力 #補腦護眼 #提高免疫力 #保護眼睛 #提高iq

想知多啲我地嘅 #生活小貼士#簡單食譜#育兒分享#吃喝玩樂#美容#親子遊#親子烹飪 ,快啲Like我地啦😘

Facebook :雷囡媽媽 https://bit.ly/2Nz3xpP
YouTube: https://bit.ly/2x3bYAf
Instagram: https://bit.ly/2NCF0QC
Blog:https://bit.ly/2oWXHRn
Ulifestyle:雷囡媽媽https://bit.ly/2xb05rt
Esdlife:雷囡媽媽 https://bit.ly/2N3pMVu
BKMilk :雷囡媽媽

請唔好質疑小朋友嘅誠信!! 唔識表達自己唔係佢嘅錯! 要幫小朋友建立自信好難,但要破壞佢只需一句說話..請小心你嘅用詞

圖像中可能有1 人、坐下
雷大囡成日問我,做咩佢做乜諗乜我都估到。每次我都答佢:「我地有條隱形嘅臍帶連繫住,所以佢諗乜做乜我都知。由懷孕果刻開始,我地一直有條臍帶連繫着,雖然出世後會剪斷左,但我地只係從有線變左無線接收姐」 🤣細細個果時佢會覺得好神奇,到而家大左開始半信半疑,但呢個係我地嘅小默契。只有相信,佢先解釋到點解佢諗乜我都知😆
實際上呢條無線臍帶存唔存在冇人知。但個個媽媽都好了解自己子女,媽媽從bb一出世就開始要估佢想點,估佢想食奶定想poopoo?點解會喊,點樣止喊...從出世果一刻開始睇佢睇佢尾頭眼額。個個都係福爾摩斯嚟㗎嘛,點會唔知你想點吖!
所以我個囡係咩人咩性格我絕對了解。我知我個囡係比較內向,比較唔識表達自己。小學四年級算大定算細冇標準,只可以對事而論。有人話咁大個唔識表達自己係唔得。雖然我都會鼓勵佢學習嘗試表達。但我唔會迫、亦知道冇得迫,唔需要迫。人冇完美嘅,我而家咁多野講咁嘈,其實我細個性格仲內向過雷大囡。
人會大,性格會轉變。我會俾時間佢慢慢摸索。只要佢心係善良,外向內向,好靜好動又如何?唔通每個人都要教到一式一樣用個模印出嚟會比較好咩?
但當然我地大人知道,唔敢表達自己好蝕底。但你估個小朋友自己唔想表達嗎?佢只係唔識,唔敢。同大人唔同,大人表達自己冇負擔,可以為自己嘅說話負責。唔洗驚呢樣驚果樣。 但小朋友唔同,佢地比我地擔心嘅更多,唔敢大聲講野,怕老師話俾媽媽聽,唔知媽媽會唔會鬧。怕媽媽話俾老師聽,唔知老師會唔會罰。太多野怕,所以好多時俾人問多2句就唔知點答。唔係因為佢想講大話,可能只係怕答錯。
作為成年人,可唔可以俾啲空間小朋友呢? 唔好因爲佢說話吞吞吐吐就懷疑佢做壞事或者想講大話!大人被質疑自己嘅誠信都會好難過,何況小朋友嘅弱小心靈?一句懷疑嘅說話可以傷得小朋友好深...特別係一啲平時已經唔識表達自己嘅小朋友。你一句質疑已經可以打破一直以來對你嘅信任。
所以,請大家未了解事情真相之前,請先選揀相信小朋友,幫助佢地解決問題。而唔好用質疑說話懷疑嘅態度去「了解」真相。咁只會嚇壞小朋友。更傷害佢弱小嘅心靈。
好掛住我個囡,仲有一個鐘先放學。好想快啲大大力攬住佢,話俾佢知媽咪相信佢,愛佢。
🌟阿囡,你唔洗驚。喺適當嘅時候,你呢個自由放養型媽媽,都可以變身做怪獸媽媽,做你嘅直升機守護神。只要你知道媽咪永遠都係你旁邊支持你
唔好意思,有感而發,冇乜重點。
#有口難言
#小事一樁
雖然可能只係我諗多左,可能佢根本單純到聽唔出人地對佢質疑嘅說話..
(希望係咁啦,希望佢純真嘅心仲未被污染)
媽咪愛你😘😘😘

我的凍齡推介 平衡微生態 Lancôme Génifique 升級版嫩肌活膚系列

  用左Lancôme 小黑瓶好幾年,真係用左會返唔到轉頭!  今次試埋全新 升級版嫩肌活膚眼霜 (ADVANCED GÉNIFIQUE YEUX) 再配埋 升級版嫩肌活膚精華 (Génifique小黑瓶)  真係完全感受到皇牌嘅威力。 點解升級版嫩肌活膚眼霜 (ADVANCED...