2021年5月12日星期三

我的凍齡推介 平衡微生態 Lancôme Génifique 升級版嫩肌活膚系列

 用左Lancôme 小黑瓶好幾年,真係用左會返唔到轉頭! 

今次試埋全新 升級版嫩肌活膚眼霜 (ADVANCED GÉNIFIQUE YEUX)

再配埋 升級版嫩肌活膚精華 (Génifique小黑瓶) 

真係完全感受到皇牌嘅威力。

點解升級版嫩肌活膚眼霜 (ADVANCED GÉNIFIQUE YEUX) 升級版嫩肌活膚精華 (Génifique小黑瓶) 咁有效? 

 

其實我地嘅皮膚擁有獨特嘅微生態,我地身體一半係人體細胞,另一半就係由細菌細胞組成。我地每個人嘅「微生態」,就好似DNA同指紋咁,與人體共生,一生隨著我們成長而變化。好似皮膚嘅益生菌咁。

 

作為肌膚表面的重要部分,肌膚「微生態」無形卻強大,是皮膚三大功能嘅幕後功臣︰

保護︰有益微生物是阻隔外在環境的第一道防線。平衡的微生態有助肌膚抵抗病原體入侵,同時釋放抗氧化蛋白。

調整︰有益微生物與皮膚細胞交流,有助緩和炎症。

修復︰平衡的微生態對肌膚屏障功能起關鍵作用。

 

但長年累月,我哋嘅肌膚每日被紫外線傷害、空氣污染、飲食,仲有睡眠不足等問題,都令皮膚急速老化。

令肌膚屏障失效,引發肌膚衰老如缺水、細紋、粗糙、暗啞。 

而升級版嫩肌活膚眼霜 (ADVANCED GÉNIFIQUE YEUX)同 

升級版嫩肌活膚精華 (Génifique小黑瓶)

就蘊含左7種微生態營養素(7種益生元及益生菌萃取物),去幫肋修復肌膚微生態,維持肌膚微生態健康。令我地保持肌膚年輕。

升級版嫩肌活膚精華(Génifique小黑瓶) 

每次洗完面立即使用,乾燥嘅皮膚即時好似飲左水咁,即時補充水份,肌膚即時變得水潤,柔軟。非常有效。

• 一瓶還原年輕.柔滑.透亮

• 1小時回復肌膚防禦屏障+77%;

• 7天柔收彈滑均勻透亮

• 1瓶修復肌膚10大歲月痕跡

• 肌膚感覺更強韌、更穩定

 

升級版嫩肌活膚眼霜 (Génifique 發光眼霜):

眼霜質地較厚,一啲都唔油,非常補濕。

平時成日用電話、夜瞓、令眼部皮膚鬆弛。

唔夠瞓黑眼圈仲好嚴重。

用左升級版嫩肌活膚眼霜 (Génifique 發光眼霜),滲透力好快,塗完即時滋潤眼周肌膚,

有效鎖水,補水。用完眼周肌膚即時提昇。

• 秒速強韌肌膚屏障

• 7天強韌眼周提亮年輕雙眸

• 即時提亮+24%

• 1小時加快肌膚鎖水屏障回復+70%

• 4小時保持水潤度+40%

• 眼周更見柔滑光澤 ; 減淡黑眼圈

 

想凍齡?快啲去買嚟試下啦

https://bit.ly/3ecchib

 

#LancomeHK #亞洲No1專櫃護膚品牌 #Genifique小黑瓶 #Genifique發光眼霜 #微生態科研專家#EyeShowMyStrength

#凍齡  #逆齡 #年輕秘密

2020年4月27日星期一

【豐胸產品推薦】如何豐胸效果最好? 唔好錯過之Envus豐胸體驗

豐胸產品推薦如何豐胸效果最 錯過之Envus豐胸體驗




早前去左 Envus 做左一次即時見效嘅豐胸療程。
起初我都充滿懷疑,非藥物、非注射、非手術! 點可能一次有效果? 
我以前搵左好多如何豐胸方法,又試過幾種豐胸產品推薦係今次!
想知道如何神奇地豐胸而家就帶你Envus好唔好! 

Envus環境乾淨,舒適。入去要即時量體溫,令人好安心。所有職員都戴口罩,衛生好多。



如何豐胸第一步:美胸師即時幫我清𥇦檢測胸部狀況
量度埋胸線嘅黃金比針對性了解胸部問題。
檢驗後發現,原來我都有少少邊高邊低,美胸師解釋應該係生活習慣所致。即時教好多美胸嘅知識,如何日常豐胸同埋胸部嘅日常護理。




療程會先用人手會按摩,人手按摩真係最考美胸師手勢。想知Envus做得好唔好,一按就感受到。 今次幫我做療程呢位美胸師,手勢非常專業。如何得知美胸師豐胸手法好?因為你會感覺到佢唔係淨按胸部,連underarms 同手臂內則都會按埋。以前我做過好多次都冇按到咁多部位。

美胸師解釋,因為手臂內則同underarm 係有好多淋巴腺,唔好好疏通,營養就不能進入胸部。 而我淋巴線非常塞,所以胸部冇營養,好似漏氣氣球咁... 

美胸師好細心幫我做完人手按摩,再用埋磁叉去通淋巴位。
再用雙效熱療破壁滲透技術,用水晶頭嘅熱療器,配合埋來自法國美胸精華  再以40度熱力,以破壁滲透技術,於皮膚及細胞壁制造大量微孔,令精華滲至更深層。達到最好效果。


最後再做埋美胸Mask。短短45分鐘療程,即時見到效果。
原本一個漏氣嘅氣球,即時充滿彈性。胸下原本冇晒脂肪,令胸部尖長形。療程後胸下即時有返圓潤飽滿感。手感仲好返好多。
即時效果好過好多豐胸產品,真係值得推薦



Envus 6CUP豐胸療程如何幫到你? 詳細如下:

六段式分為:
疏通、活躍、增大、結實、提升、定型。

6段瞬間升級升cup術3部曲


📍Step 1.
利用獨有手法疏通胸部經絡刺激神經末梢及穴位,軟化乳腺增生,防止毒素聚積引起水腫及疼痛,促進乳房再度發育

📍Step 2.
雙效熱療破壁滲透技術,能升温40度,加速血液循環,破壁滲透技術迅速於皮膚及細胞壁制造大量微孔,美胸精華可透過微孔,可更深層進入細胞,加強效果

📍step 3 
來自法國美胸精華,結合多種有效天然豐胸精華萃取液,其濃縮成份能提升胸部脂肪細胞體積,促進脂肪積聚,增加杯型呎吋

我試過咁多豐胸產品,我最推薦Envus
睇完文之後,
仲係唔知如何豐胸最好?想知Envus真係好唔好
不妨去佢地官網了解下!

2020年2月21日星期五

癌症愈來愈年輕化,真係要及早檢驗!想知有咩方法?

在天上的您,好嗎? 想您…

好多朋友問我,大囡同細囡差咁多年,係唔係意外? 當然唔係啦,小囡係計劃懷孕。仲好好彩想有就有。我同母親大人都認為,可能係爸爸佢嚟陪我地,帶我地走過最悲傷沉痛嘅時間嘅。
生完第一胎一直冇勇氣再生多個。湊BB真係好辛苦。頭2年都唔洗旨意有覺好瞓,大左又要養又要教… 直至我爸爸走左,我真係差啲崩潰。再諗下,第時我有事我囡點算?一定要有血緣關係嘅人陪伴佢。所以就即時計劃生多個。
我爸爸係肺癌走嘅,當知道佢患癌嘅時候真係難以置信,仲咁後生,印象中唔係要七老八十先有咩?患癌時都仲未退休…當時每日陪佢去醫院做化療電療嘅時候先發現,原來更後生都仲有… 
其實而家肺癌越來越年輕化,就算平時無吸煙,又或者好少機會聞到二手煙,但都會隨時因爲基因突變而患癌,真係防不勝防!

年輕人們,普遍都鐘意打機,玩手機。少運動,少出汗。又唔注意飲食,經常食快餐、或者三高食物。又唔夠瞓,甚至工作壓力大,都係好影響健康。
所以就算後生都要定期Keep住做身體檢查。
特別家族有癌病歷史嘅,更加要定期做檢查! 

最近搵左好多關於癌症遺傳、癌症檢測等嘅資料。以前嘅癌病檢測一般都係抽血檢驗,睇返血液內癌細胞指數。但其實血液中的癌症指數異常,有機會由身體其他因素導致。例如急性肝炎、尿道炎,甚至女士懷孕亦有機會令檢驗出的指數升高,所以準確度唔係好高。
但原來而家除咗抽血之外,仲有好多更精準嘅檢測方法。
,其中,放射診斷成效同準確度效高。 

放射診斷包括 : 

例如X-光、超聲波、電腦斷層掃描 (CT)、正電子放射斷層掃描 (PET-CT)、磁力共振掃描 (MRI)。 

可以照到器官嘅具體輪廓,例如肺出現水腫,或者受傷骨折,都可以靠X-光照到。雖然X-光有輻射,但其實輻射嘅劑量好少,唔洗過份擔心。

可以觀察器官嘅即時變化,無輻射,檢查過程亦唔會引起痛楚,當年懷孕嘅時候就係靠超聲波檢查囡囡健唔健康架啦!

都係用X光射綫,不過就係同一部位用唔同層次照射,可以檢查得更加深入。

可以檢查身體唔同部位細胞嘅代謝情況,例如癌症嘅應用,可以判別腫瘤係早期定晚期,又或者係唔係惡性等等。

可以呈現軟組織嘅形態同神經脈絡,亦可以檢查癌症腫瘤係治療前後有無變化等等。



當然啦,預防勝於治療。平時最緊要作息定時,多運動,均衡飲食,最重要係保持心境開朗。心情好自然健康好!唔好睇少呀! 

食療方面,多食一啲深綠色嘅蔬菜,例如西蘭花、蘆筍,都有好好嘅防癌作用。 

另外做多啲帶氧運動,跑步就最好,出多啲汗,自然排到毒啦! 唔好睇少呀,有報導研究指出,田徑運動員嘅患癌比率比一般人低

聽落係咪好似好簡單呢? 祝大家身體健康,幸福、平安! 

記得定期檢查呀!

做資料搜集嘅時候搵到呢篇有關癌症基因檢測嘅文章,寫得幾詳細,大家不妨睇睇:https://www.hkioc.com.hk/zh-hant/癌症基因檢測/

另外佢哋個Blog https://www.hkioc.com.hk/zh-hant/blog/ 都有唔少健康文章,平時大家係屋企都可以學習吓。

#預防癌症 
#癌症檢查
#癌症遺傳
#癌症 
#防癌

2020年2月3日星期一

免費試飲《Bebivita 德國貝唯他 》奶粉 ,快D試下啦~

身邊好多朋友生左bb, 媽媽谷離不開BB嘅衣食住行! 媽媽最關心嘅一定係食啦!
BB當然食母乳最好啦,母乳係上天賜給媽媽同BB最大嘅一份禮物。裡面包含左健康同祝福。所以每次同朋友傾偈,我都好鼓勵大家餵母乳嘅。
但明白到唔係個個都可以成功餵到全母乳嘅,我自己都唔夠奶。醫生話好多因素影響母乳分泌,個人體質、心理因素等都有影響。我坐月時都用盡一切方法,始終唔夠奶。曾經為左唔夠奶差啲攪到產後抑鬱...
好彩,最後諗通左,想BB健康快樂成長,除左母乳之外,其實媽媽心靈健康都好重要。如果媽媽每日為左揸奶、餵奶而以淚洗面,d奶奶都唔好味啦! 最怕係攪到產後抑鬱,咁就仲大件事!
所以我開始轉做母乳加奶粉。總之唔理奶量夠唔夠,有幾多餵幾多。俾佢啜到停喇,唔夠再補奶粉。大家記得,「#母乳係最好#但冇乳唔係罪! 」唔好俾自己同BB太大壓力,做個開心媽同開心B !



市面上好多奶粉,每款都各有好處,但係唔係貴就等於好? 我自己就覺得均衡就夠,剛好就最好!
最近我俾雷小囡試左呢款德國No.2最暢銷奶粉《Bebivita 德國貝唯他 》。
佢CP值極高!百幾蚊就有交易。
奶源喺來自牛牛最想住嘅地方「阿爾卑斯山牧場」而且生產嚴謹,奶粉品牌但用上藥品級嘅管理。令我安心又放心。我亦好欣賞佢嘅奶粉,配方強調均衡營養。「All Good全營組合」回歸BB最基本需要,「唔過量 ,啱啱好」
雷小囡呢個敏感b之前試過好多奶粉,好多一食就出問題。而最近轉食左Bebivita一段時間,腸胃同便便都唔錯。亦冇敏感問題。心情仲好似好左。少左發脾氣。唔知關唔關事呢? 🤣🤣🤣
而家起去到2020年2月29日,只要去Like Bebivita HK嘅Facebook Bebivita HK 同去 http://bit.ly/313zZFl 填寫參加表格,就可以申請免費試用嫁喇!

成功登記後, 試用產品將會於一個月內*免費*以順便智能櫃寄出​一次,逾時不獲補發。

2020年1月11日星期六

唔做冇眉娘又唔想做王小虎?Miiobrow 做空氣眉就得啦!





最近好多朋友話我條眉畫得靚左。sorry , 我冇畫眉好耐喇。我其實去左整空氣眉!
好多朋友仔唔信。話見我日日出post都未見過我變王小虎🐯 邊有整過! 哈哈哈!#少年你實在太OUT喇!

整眉仲要捱成個月王小虎階段...自問我頂唔順。話晒我係半個日日影相嘅自戀狂吖!變王小虎?唔好話一個月啦!一日我都唔制呀!

咁多人唔信,唯有出post澄清兼分享!
我做左咩?紋眉、繡眉、飄眉?nonono!

其實我去左Miiobrow 做空氣眉。空氣眉比起以上所嘅眉效果更自然,顏色冇咁實,仲多左份透氣感同立體感,睇落更加清新自然。
平時老公都係見我素顏樣,整完之後,老公話我靚左,但又唔知有咩唔同左!哈哈哈!

Miiobrow嘅塑眉師本身主修Art,以藝術角度出發為客人設計眉形,去之前我send左相俾佢,佢會預先幫我設計適合我嘅眉形。再好有心機咁慢慢畫出嚟,畫到我滿意先開始。




開始我對「沒有王小虎」呢個承諾半個半疑。做完之後真係好驚喜。同佢畫果條一模一樣,仲比之前更靚更自然。真係令我好開心。

而且佢地用嘅獨特設計的微針頭,全程都冇痛冇流血,真係好好! 做完仲有個非常貼心嘅互禮物包。解決晒唔濕得水嘅煩惱!
靚靚化妝袋裡面有維他命定色膏、獨立包裝棉花棒、壓縮小毛巾。仲好貼心有個細樽仔俾我地裝藥膏。 真係超窩貼呀!(窩心又貼心)

今次我真係非常滿意,誠意推介俾大家。
特別係經常唔化妝嘅朋友,唔好成日要老公對住個「無眉娘」喇! 快啲去miiobrow啦!

空氣眉仲有咩好?

空氣眉摒棄了傳統 #霧眉 的厚重感,加了一份透氣感和立體感,讓人看上去更清新自然💭 .
.
👩🏻‍⚕接近零創傷⤵️ ✖不結痂
🐯黃小虎不再出現⤵️ ✖沒有尷尬過渡期
⏰效果可維持1-2年
🏆塑眉師超過8年經驗以上、 服務超過5000人
📜本店嚴選FDA進口美國材料
🎨超過20種顏色選擇,絕不變色 .
.
♡啱曬懶惰唔化妝的你💄
♡啱曬愛做運動的你🏊‍♀
♡啱曬素顏都想精神靚靚的你👀 .

Miiobrow 素顏美學.Miioskin 肌底還原

* https://instagram.com/miiohk.official
☎Whatsapp查詢/預約:65996209
⚑:中環蘭桂坊1號7樓全層

#空氣眉 #繡眉 #飄眉 #不再王小虎 #唔要小虎眉
#唔化妝品更要做 #唔做冇眉娘 #素顏都要靚

大阪滑雪可以去六甲山


#老少平安大阪遊-Day4
是日行程推介 : 六甲山滑雪
冬天可滑雪,夏天有水上活動同滑草。附近都有其他景點。博物館...等
https://goo.gl/maps/McSXoZNzeQ92
計劃去六甲山滑雪嘅時候,本來想揀山上嘅民宿。但係上次經驗,冬天落雪住山上民宿真係搏唔過....
(上次九州福岡訂左間溫泉旅館,因為太大雪部車上唔到山,仲向後滑,差啲返唔到嚟...最後摸黑徒步行上山頂搵酒店...非常慘痛嘅經歷)
今次仲要一家大細有老有嫩,真係唔敢搏!都係安全啲好,所以都係揀返山下酒店安全啲!
因為揀左酒店,食飽飽早餐後直接開車上山。
天氣預報有雨。但一場嚟到。又自駕。照上搏一搏啦!
由神戶市出發,地圖顯示35分鐘路,但實際當然唔得啦! 因為唔熟路,而且上山路崎嶇,越上就越凍,有啲地方路面有結冰,路比較滑。所以越開越慢。各位自駕嘅朋友真係要好小心。

終於上到去,停車場要落一小段樓梯先去到滑雪場門口! 呢個時候!一定要每人拎部手機出嚟,tag好自己位置!記得!原因睇埋後面就明!

滑雪場門口賣票,仲有租用裝備,雪具。我地有老有b,而且天氣不穩。都唔知玩到幾耐。所都係堆下雪人玩下雪兜就算喇! 不過價錢真係唔平。當時乜準備都冇,只好門口正價買票。
建議大家預先計劃行程時,可以上
Travelababies搵下有冇心水行程,訂定抵好多。
入場後嘥最多時間就係揀衫同換衫。個個著到隻糉咁! 換完都成個鐘!
雷囡s一開始去滑雪兜,滑果下唔攰。上果下真係好攰.. 不過都好開心。
之後小囡又話要堆雪人! 場內有大大個嘅雪人模具借用,但就冇鏟仔。我地去左小賣店買。 嘩!不便宜。建議大家去100yen店買定先去! 同一樣野。$100yen,呢度要$500。 真係鏟到雪嘅小鏟仔都過千yen...冇計啦。為左唔令小朋友失望,買啦!
午餐雪場解決,味道其次,主要係有得醫飽個肚,最緊要有杯熱野飲下。真係好凍。
食完野想玩多陣,一出門發現已變天。開始好大霧,能見度仲好低...最後玩左一陣就走喇!
點知! 換好晒衫5:00左右。出到門口乜路都睇唔到。 連幾十步行到嘅樓盤都唔見左。問左職員。佢指左一個方向。我地點行都搵唔到,唯有靠Google Map , 但我又地冇tag到停車位。 明明上樓梯5分鐘就到。我地要沿山路行馬路邊,邊行邊搵。扶老攜幼。果下真心驚....

幾經辛苦,驚險萬分,終於搵到架車落到山....本來想食好啲,但行行下又八點幾,好多餐廳都收緊... 好吧,又快餐解決! 食飽飽早啲返去浸下!
連續2晚入住 ANA皇冠假日酒店。旁邊就係旅遊熱點 #北野異人館。 如果有時間行下都唔錯。聽講好多打卡位。不過同我地之後嘅行程差唔多。所以就放棄喇!
呢個驚險萬分嘅旅程,有小小溫馨提示同大家分享:
建議自駕嘅朋友,千萬要手機tag好自己停車位。再save埋路線圖。
非自駕嘅朋友就最好預先book行程,而家有啲一日行程,早上去玩完雪再去埋有馬。非常好。
如果天氣好,大家只想同小朋友玩下雪,建議先入土場睇下環境。唔好租雪衣住。租個雪兜玩下。堆下雪人。如自己有足夠保護裝備就唔一定要租雪衣。真係好貴!

但當日我地唔知,傻下傻下一人一套!5萬yen左右,玩2小時...好唔抵。 不過又好彩租左。因為當天天氣唔好。後段時間落雨。好彩有年雪衣頂一頂! 凍到小囡都呆呆滯滯成嚿飯咁!
建議各位自備手套,如果冇滑雪手套又唔想買。租嘅時候有嘅,不過衛生麻麻,我戴完晚上開始起紅疹。懷疑係太凍引起,又可能係手套唔乾淨。點都好啦。買個安心,去100yen店買對棉手套打底,隔下安心啲。 當然自己買去就最安全啦。淘淘都係廿幾蚊對,值得投資!
玩雪玩具同玩沙差唔多,有小朋友嘅自己帶去,慳錢又環保!
去旅行計劃行程,最好上網訂定景點門票,優惠之餘仲心裡有數。唔洗去到失預算!
而家上 Travelababies - 親子旅遊資訊平台 訂景點門票,雷囡媽媽粉絲仲可享額外95折! 想要優惠問我啦!
#大阪自駕遊 #大阪親子遊
#雷囡媽媽遊大阪
#雷囡媽媽老少平安大阪遊

我的凍齡推介 平衡微生態 Lancôme Génifique 升級版嫩肌活膚系列

  用左Lancôme 小黑瓶好幾年,真係用左會返唔到轉頭!  今次試埋全新 升級版嫩肌活膚眼霜 (ADVANCED GÉNIFIQUE YEUX) 再配埋 升級版嫩肌活膚精華 (Génifique小黑瓶)  真係完全感受到皇牌嘅威力。 點解升級版嫩肌活膚眼霜 (ADVANCED...