21個月人仔用 #學習筷子
細細個用家姐對筷子食麵麵。最近開始正式用學習筷子，不過手指仔仲未好夠長。所以仲係食到天一半地一半😅 好彩媽咪已經見慣大場面，EQ勁高，食到成地都係都冇有怕，大不了咪拖多次地洗多次衫。唔會因爲怕污糟而阻止佢。由佢自由發揮！
好多時身邊嘅人會講佢咁食會周圍都係...好想講句：又唔係你做。我做果個都唔介意啦！
我成日係清理案發現場都係保持微笑，同自己講：
「遲早會大，遲早會識！忍多一陣啦，過程黎嘅😆」各種拖緊地嘅媽媽，加油💪🏻共勉之！
#微笑可以熄滅心中團火
#微笑有助保持心情開朗
#想鬧人時微笑一下
沒有留言:
發佈留言