平時我都鐘意去雷囡爸爸舖頭𠝹下紙箱整下屋仔。當然唔多靚啦。今次帶左雷大囡上Busymama 嘅工作坊，估唔到一個鞋盒已經可以做出一隻咁靚嘅馬馬，仲可以俾小朋友騎住周圍走。真係好好笑。雷小囡仲唔小心墮馬tim🤣🤣
每次都好期待busymama 嘅活動，因為每次都好有驚喜好好玩,今次都唔例外。今次佢地揀左呢個位於石門嘅work Shop,一出港鐵就到，勁易搵，而且地方乾淨又光猛，景觀仲好好（唔係樓盤廣告😆） 當然地方舒服先有利我地放鬆心情，盡情創作㗎嘛！一拎起枝筆已經充滿「偽術」氣質啦😆😆
今次有機會跟 busymama benny學用紙皮整 #unicorn 真係好開心。一向冇乜美感嘅我，經benny專業又輕鬆好玩嘅指導下，同雷大囡合作成功做出左一隻咁靚嘅馬馬。雖然九成都係雷大囡整嘅，但我都有幫手上色同綑邊㗎！大家覺得靚唔靚呢？
覺得最正嘅係呢個親子班可以俾小朋友嘅參與度好高。亦都俾到好大嘅空間俾佢地創作。全程氣氛好好，個個小朋友都玩得好開心，真正係親子合作完成一件藝術品，感覺好溫馨💕
如果大家都想好似我地咁同小朋友一齊跟busymama benny學用紙皮整藝術品？ 快啲去報名參啦！ 嚟緊11月仲有6堂咋，好快滿額㗎喇，唔好錯過喇！
快啲去呢度報名啦！
@CardBoardFor Kid
沒有留言:
發佈留言