2018年11月14日星期三

好好玩嘅台式手作班 DIY無毒蠟筆 繪畫班 波波池,一次過滿足晒三個願望呀


#一拖二親子遊 #親子遊  #台系親子工作坊
今次去 #煲蠟 (唔好鬧住,係煲嚟整蠟筆呀)

雷大囡考完試當然要即時帶佢去玩餐飽啦!識佢都嘅都知佢好鐘意DIY,整呢樣整果樣!諗嚟諗去,見上次去過果間 #森林動物園 新出左個#DIY蠟筆工作坊,平平地,有得DIY又有得玩波波池。絕對啱晒我呢啲一拖二媽媽,大囡有得整下野,小囡有得放下電。各有各精彩。連我都可以輕鬆下!
今次報左呢個新出嘅

《 #DIY蠟筆x繪畫班+波波池=勁抵玩工作坊》
兩小時冇悶場,有得自己整蠟筆,又有得學畫畫,仲有得玩埋波波池...邊有唔去嘅理由?

一去到雷小囡已經唔客氣地直衝波波池(好似好熟路咁,已經有家的感覺😆😆)。
而我同家姐就可以安安樂樂,不被騷擾地DIY喇,真係機會難逢㗎!
阿佐哥哥一早已經準備好晒材料,每人一副護目鏡,做足安全措施(雖然唔覺有危險,哈哈!)哥哥姐姐詳細介紹用料。開工整屬於自己嘅蠟筆🖍️。

🖍蠟筆選用食品級材料,純天然材料。整麵包蛋糕常用嘅天然色粉:
接骨木(藍)、南瓜(橙)、
綠茶(綠)、竹炭(黑)、紅麯(紅)
真係食左都唔怕(當然唔好食啦!)
🌴採用天然用料:蜂蠟、大豆蠟...等純天然無毒害,可安心使用。
👶🏻雷小囡成日乜都放入口,雷大囡成日畫到成手都係又走去攞野食。呢啲食用級蠟筆就令我好安心俾佢地用。

📚邊玩邊學,哥哥會詳細解釋用料來源,唔止小朋友,連我都學到野,長知識!來自台灣嘅哥哥仲教埋正確國語發音。真正活動教學!
🎁仲有靚靚包裝袋仔,可以孭住去街街,隨時都畫得!
🎨蚊姐姐教畫畫時好生動有趣,個個小朋友都畫得好開心(計劃緊大啲帶小囡跟姐姐學畫畫)
🎈最最最萬眾(小朋友)期待嘅當然係波波池啦!每個小朋友入去前都要洗乾淨手仔,噴埋消毒洗手噴霧先俾玩㗎!咁就安心又放心啦!
♥️仲有超級窩心嘅係,佢地會幫你影埋相,拍埋片。咁樣媽媽就可以專心陪小朋友一齊玩啦!

同一個地方我好少翻兜玩多轉,但呢度真係好正!環境乾淨,哥哥姐姐又nice,仲好多唔同工作坊,次次嚟都有驚喜!而且每次嚟到呢度,都好似去左台灣玩工作坊咁。果種寫意嘅心情。唔似一般香港畫班,次次都好似趕住交功課咁。
💕放鬆心情先真正可以享受創作嘅樂趣㗎嘛!


已經計劃緊下次再嚟玩喇! 仲可以約埋幾個朋友仔一齊開班tim!辦生日party 都得㗎!
呢度仲有好多好多 #台風親子diy工作坊,多到數唔晒。

快啲去睇下啦!總有一個啱你嘅😆😆

森林動物園 Forestzoo

#森林動物園 #forestzoo 
#畫班 #diy親子工作坊 #diy木凳 #diy雨傘 #彩繪鞋 #檀木戒指 #diy公仔 #拼豆豆 #積木波波池 #放電 #台風 #親子工作坊

FB page: 雷囡媽媽
雷囡媽媽
影片:youtube.com/results?q=luiluimamak
IG : www.instagram.com/luiluimama/
Blog: luiluimama.blogspot.com

沒有留言:

發佈留言

【豐胸產品推薦】如何豐胸效果最好? 唔好錯過之Envus豐胸體驗

【 豐胸產品推薦 】 如何豐胸 效果最 好 ?   唔 好 錯過之 Envus 豐胸體驗 早前去左  Envus  做左一次即時見效嘅豐胸療程。 起初我都充滿懷疑,非藥物、非注射、非手術! 點可能一次有效果?  但 我以前 搵左好...