2018年7月11日星期三

雷囡媽媽的自我介紹



我而家係一個全職媽媽。想當年係職場打滾左十幾年,因為爸爸健康問題要經常陪伴出入醫院而無暇打理舖頭事務。而且雷囡要準備升小一,想自己教返個囡。所以決定「光榮結業」,開始全職媽媽生涯。 
  做左全職媽媽之後,先發覺原來做媽媽真係唔容易。湊小朋友係一個好深嘅學問。轉數慢啲都唔得..

  一直都覺得生一個都夠辛苦,唔想生第二個。經歷完照顧初生BB果種24小時餵奶換片抱成日嘅辛酸階段。兼夾咁辛苦先修身成功...好似啱啱先從地獄爬上黎,有返少少自己嘅「生活」。真係唔想又重頭捱過...所以一直都好抗拒生第二個。

  但自從我爸爸過身,一個人去醫院簽死亡證,差啲崩潰果刻開始。我發現原來有個有血緣關係嘅親人好重要。因為無論我身邊嘅另一半幾咁關心同支持我,但到左呢刻,至親嘅離世。有啲情感始終要有血緣關係嘅親人先可以理解到。即時諗起自己個囡,如果將來我地有啲咩事嘅時候,得返佢一個,咁點算呀?所以果刻我終於決定生多個。等佢地將來可以互相有個依靠。
  
雖然好多人會話:「親生兄弟姊妹又點吖?感情好到長大後會互相扶持嘅有幾多個吖?不揪不啋甚至反目成仇嘅大有人在。」
  而我覺得兄弟姊妹關係好唔好,其實好在於父母從小教導。呢個雖然係好大挑戰。但為左雷囡,辛苦啲都值得嘅...
  就係咁,我決定再做多一個人嘅阿媽!

  自我介紹差唔多喇,希望係呢度可以紀錄低雷囡s嘅成長經過,趣事逸事麻煩事☺️☺️

  

沒有留言:

發佈留言

【豐胸產品推薦】如何豐胸效果最好? 唔好錯過之Envus豐胸體驗

【 豐胸產品推薦 】 如何豐胸 效果最 好 ?   唔 好 錯過之 Envus 豐胸體驗 早前去左  Envus  做左一次即時見效嘅豐胸療程。 起初我都充滿懷疑,非藥物、非注射、非手術! 點可能一次有效果?  但 我以前 搵左好...